Opnað fyrir skil á skattframtali einstaklinga 1. mars
Opnað hefur verið fyrir framtalsskil 2021, vegna tekna 2020, 1. mars. Lokaskiladagur er 12. mars.
Framtalið verður aðgengilegt á þjónustuvef Skattsins, www.skattur.is og ber öllum þeim sem náð hafa 16 ára aldri í lok árs 2020 að skila skattframtali og telja fram tekjur sínar og eignir.
Vegna sóttvarnarráðstafana verður ekki boðið upp á framtalsaðstoð í afgreiðslum Skattsins en þess í stað verður boðið upp á að panta símtal og fá aðstoð við að skila í gegnum síma.
Framtalsleiðbeiningar 2021 er tilbúnar og komnar á vefinn ásamt bæklingi með einföldum framtalsleiðbeiningum þar sem stiklað er á stóru yfir það helsta sem einstaklingar þurfa að huga að við skil á skattframtali.
Notast þarf við rafræn skilríki eða veflykil til auðkenningar inn á þjónustuvefinn við innskráningu.
Hvernig fæ ég rafræn skilríki?
Rafræn skilríki fyrir ungmenni yngri en 18 ára
Hvar má nálgast týndan veflykil?
Lendir þú í vandræðum með framtal þitt verður einnig hægt að hafa samband við framtalsaðstoð í síma 442 1414 eða senda fyrirspurnir á netfangið framtal@skatturinn.is.
