Skattskylda lífeyristekna frá Íslandi
Af gefnu tilefni vill ríkisskattstjóri benda á að lífeyrisgreiðslur sem einstaklingar búsettir á Norðurlöndum fá frá Íslandi eru skattskyldar og skattlagðar á Íslandi.
Samkvæmt lögum um tekjuskatt eru lífeyristekjur erlendis
búsettra frá Íslandi skattskyldar hér á landi.
Norðurlöndin hafa gert með sér tvísköttunarsamning til að komast hjá tvísköttun að því er varðar skatta á tekjur og eignir. Samkvæmt 18. gr. samningsins má skattleggja á Íslandi eftirlaun og lífeyri, sem greidd eru frá Íslandi og greiðslur frá Íslandi samkvæmt almannatryggingalöggjöf, til einstaklings heimilisfasts annars staðar á Norðurlöndunum. Þetta þýðir að lífeyristekjur einstaklinga búsettra á Norðurlöndunum sem greiddar eru frá Íslandi eru skattlagðar á Íslandi og ekki eru veittar neinar undanþágur frá þeirri skattlagningu.
Það fer síðan eftir löggjöf þess lands þar sem viðkomandi er búsettur hvernig skattlagningu lífeyristeknanna er háttað þar í landi, að teknu tilliti til ákvæða fyrrnefnds samnings um aðferðir til að komast hjá tvísköttun (25. gr. Norðurlandasamningsins).
Nánari upplýsingar um skattskyldu
- Næsta færsla
- Fyrri færsla
