Álagningarseðlar einstaklinga 2014
Álagningarseðlar einstaklinga verða birtir á þjónustuvefnum skattur.is 25. júlí n.k. Þeir sem óskuðu eftir álagningarseðli á pappír fá hann sendan í pósti eftir 25. júlí.
Barnabætur, vaxtabætur og fyrirframgreiddar vaxtabætur verða greiddar út 1. ágúst, auk annarra inneigna. Álagningarskrá mun liggja frammi á starfsstöðvum ríkisskattstjóra dagana 25. júlí til 8. ágúst. Kærufrestur vegna álagningar 2014 er til 25. ágúst.
Til að fá frekari upplýsingar um álagningu opinberra gjalda er hægt að hafa samband við ríkisskattstjóra með tölvupósti á rsk@rsk.is eða í síma 442 1000 milli kl. 9.30 og 15.30.
Upplýsingar um greiðslur inneigna og innheimtu skulda veita tollstjóri og sýslumenn.
- Næsta færsla
- Fyrri færsla
