Endurgreiðslur á virðisaukaskatti – nú fyrir fleiri en áður
Nú er hægt að sækja um 100% endurgreiðslu á virðisaukaskatti af vinnu manna á byggingarstað vegna endurbóta, viðhalds eða nýbyggingar á mannvirkjum í eigu sveitarfélaga.
Þá er einnig hægt að sækja um 100% endurgreiðslu á virðisaukaskatti af vinnu manna á byggingarstað vegna endurbóta, viðhalds og nýbyggingar á mannvirkjum sem eru alfarið í eigu eftirtalinna aðila:
- Mannúðar-, líknarfélaga.
- Íþróttafélaga, heildarsamtaka á sviði íþrótta og héraðs- og sérsambanda.
- Björgunarsveita, landssamtaka björgunarsveita, slysavarnadeilda eða einstakra félagseininga sem starfa undir merkjum samtakanna.
- Félaga og félagasamtaka sem sinna æskulýðsmálum.
- Þjóðkirkjunnar, þjóðkirkjusafnaða og annarra skráðra trú- og lífsskoðunarfélaga.
Framangreindir aðilar fá einnig 100% endurgreiðslu virðisaukaskatts vegna greiðslu á þjónustu vegna hönnunar eða eftirlits með byggingu á slíku mannvirki.
Hægt er að sækja um endurgreiðslu vegna reikninga sem gefnir eru út frá og með 1. mars 2020 til og með 31. desember 2020.
Sótt er um á þjónustusíðu umsækjanda á þjónustusíðu Skattsins. Umsóknir eru undir flipanum “Samskipti”.
