Skuld - inneign

Á þjónustuvef ríkisskattstjóra og á island.is getur þú skoðað stöðu þína hjá innheimtumanni ríkissjóðs. Á síðunni birtast upplýsingar um skatta og önnur gjöld sem innheimtumenn ríkissjóðs innheimta, þar birtast þó ekki upplýsingar um önnur sveitarsjóðsgjöld en útsvar (t.d. fasteignagjöld).

Hægt er að tengjast þjónustuvef RSK beint með því að smella á þennan tengil: http://www.skattur.is/.

• Til auðkenningar inn á þjónustuvefinn má nota rafræn skilríki eða aðalveflykill RSK.
• Til að sjá greiðslustöðuna er smellt á tengilinn "Almennt" og síðan tengilinn "Innheimtumaður ríkissjóðs" og loks "Greiðslustaða þín núna".  Einnig er hægt að nálgast þar greiðslustöðu í lok árs.
• Á vefnum eru leiðbeiningar um hvernig hægt er að fá nýjan veflykil, hafi hann gleymst.

Á vefnum island.is.

• Gjaldendur geta pantað skuldleysisvottorð í gegnum http://www.island.is/ og er vottorðið sent í pósthólf gjaldenda. Vottorðið má finna undir flokknum "Skatturinn" og heitinu "Skuldleysisvottorð einstaklingar" eða "Skuldleysisvottorð fyrirtæki". Einnig má finna þau með leit á síðunni. Sé gjaldandi ekki skuldlaus fær hann sent skuldayfirlit.
• Til auðkenningar inn á vefinn er notað rafrænt skilríki eða íslykill.
• Upplýsingar um hvernig hægt er að fá íslykil eða rafrænt skilríki eru á innskráningarsíðunni.