Óskattskyld félög
Eftirtaldir aðilar eru undanþegnir skattskyldu:
- Ríkissjóður, ríkisstofnanir og ríkisfyrirtæki sem hann rekur og ber ótakmarkaða ábyrgð á svo og Fiskifélag Íslands.
- Sýslu- og sveitarfélög, fyrirtæki og stofnanir sem þau reka og bera ótakmarkaða ábyrgð á.
- Erlend ríki og alþjóðastofnanir, af fasteignum sem þær nota vegna viðurkenndrar starfsemi sinnar hér á landi.
- Þeir lögaðilar sem um ræðir í 2. gr. skattalaga og hér eiga heimili, ef þeir verja hagnaði sínum einungis til almenningsheilla og hafa það að einasta markmiði samkvæmt samþykktum sínum.
- Félög, sjóðir og stofnanir, sbr. 5. tölul. 2. gr. skattalaga, sem ekki reka atvinnu.
- Lífeyrissjóðir sem starfa skv. III. kafla laga um skyldutryggingu lífeyrisréttinda og starfsemi lífeyrissjóða.
- Aðilar sem undanþegnir eru skattskyldu með sérstökum lögum.
Undanþegnir lögaðilar greiða þó skatt af eftirfarandi fjármagnstekjum, að undanskildum þeim lögaðilum sem falla undir 3. lið og 6. lið.
- Vexti, verðbætur, afföll og gengishagnaði.
- Arð af hlutum og hlutabréfum í félögum.
- Fé sem gagnkvæm vátryggingar- og ábyrgðarfélög, kaupfélög, önnur samvinnufélög og samvinnufélagasambönd, greiða félagsaðilum sínum til séreignar í stofnsjóði vegna viðskipta þeirra.
- Söluhagnað af hlutabréfum.
Skatthlutfall er það sama og á fjármagnstekjur almennt.
Ítarefni
Hvar finn ég reglurnar?
Óskattskyldir aðilar – 4. gr. laga nr. 90/2003, um tekjuskatt
Skattskylda vegna fjármagnstekna – 4. mgr. 71. gr. laga nr. 90/2003, um tekjuskatt
Skattskyldar fjármagnstekjur - 3., 4. og 5. tölul. C-liðar 7. gr. og 8. tölul., að því er varðar söluhagnað af hlutabréfum, laga nr. 90/2003, um tekjuskatt
