Staðgreiðsla og reiknað endurgjald

Öllum þeim sem teljast launagreiðendur samkvæmt lögum um staðgreiðslu opinberra gjalda, þ.e. þeir sem inna af hendi eða reikna greiðslur sem teljast vera laun, er skylt að halda eftir staðgreiðslu opinberra gjalda af launum starfsmanna og öðrum staðgreiðsluskyldum greiðslum og af reiknuðu endurgjaldi vegna eigin vinnu við reksturinn. Staðgreiðslan samanstendur af tekjuskatti og útsvari og er fyrirframgreiðsla uppí álagningu opinberra gjalda samkvæmt skattframtölum einstaklinga. Tekjuskattur rennur í ríkissjóð og útsvarið til viðeigandi sveitarfélags.

Staðgreiðsla 2021

Öllum launagreiðendum er skylt að halda eftir staðgreiðslu opinberra gjalda af launagreiðslum eins og þær eru skilgreindar í lögum um staðgreiðslu opinberra gjalda og skila í ríkissjóð. Á sama hátt skal reikna og skila staðgreiðslu af reiknuðu endurgjaldi þeirra sem vinna við eigin atvinnurekstur.

Lesa meira

Reiknað endurgjald 2021

Allir sem starfa við eigin atvinnurekstur eiga að reikna sér endurgjald (laun) vegna þeirrar vinnu og skila af því staðgreiðslu opinberra gjalda, greiða tryggingagjald og iðgjald í lífeyrissjóð. Við ákvörðun á fjárhæð reiknaðs endurgjalds skal hafa árlegar reglur ríkisskattstjóri um reiknað endurgjald til viðmiðunar.

Lesa meira

Upplýsingar um persónuafslátt fyrir launagreiðendur

Allir sem náð hafa 16 ára aldri á tekjuárinu og eru heimilisfastir á landinu eiga rétt á persónuafslætti. Sama gildir um þá sem hafa rétt til að halda hér á landi skattalegu heimili þrátt fyrir dvöl erlendis vegna náms eða veikinda. Hjá þeim sem ná 16 ára aldri á tekjuárinu reiknast fullur persónuafsláttur fyrir allt árið.

Lesa meira
Þessi síða notar vefkökur. Lesa meira Loka kökum